गजल

साँझको दियो बालेपछि आउँछु भन्थिन् उनी,
मेरै नामको सिन्दुर पोते लाउँछु भन्थिन् उनी !

शयनलाई मन्दिर मान्दै गर्दै आराधना,
जवानीमा रचेकोे गीत गाउँछु भन्थिन् उनी !

सपनीका सारा सोच, विपनीका खुसी
तिम्रै दिलको मझेरीमा छाउँछु भन्थिन् उनी !

फुल बनी बगैंचामा मगमगाउँदा पनि
भमरामा तिम्रै रूप पाउँछु भन्थिन् उनी !

समुद्रका नाग हौ वा  कैलाशका शिव
जहाँ जान्छौ तिमै्रसाथ धाउछु भन्थिन् उनी !